Dilkeşhaveran Niyaz, Devr-i Hindî
İster İsen Marifette Olasın Âl-i Cenâb
Composer: Eyyûbî Ali Rıza Şengel
Poet: Hz. Pir Niyazî-i Mısrî (k.s)
If you are a member of the Dil Beyti website (log in), you can add this composition to suite(s) you have created. To sign up for free, click here.
On this composition's lyrics page, you can also explore other compositions of the same verses.
İster isen ma'rifetde olasın 'âlî‐cenâb
Ehl‐i 'irfan eşiğinde yüzünü eyle türâb
Çok da verme kendini dünyâya bir dem çek elin
Döndüremezsin beğim katı ağırdır bu dolâb
Bu harâbı niceler çalışdı ma'mûr etmeğe
Bir yanın ta'mir ederken bir yanı oldu harâb
Çok seğirtdi gaflet ehli bu serâbı su sanup
Bulmadılar hiç biri bu sahrâda bir katre âb
Bir zamân yüz verme dünyâ ehline 'uzletde ol
'Akl u fikrin bir yere cem' et yüzüne çek nikâb
Göz kulak dil kapuların bağla muhkem bir zamân
Ola kim Hakk'dan yana gönlünden ola feth‐i bâb
Ger ölümden kurtulam dersen yürü var 'âşık ol
Döne döne 'aşk oduyla cism ü cânı kıl kebâb
Gir bu derd meyhânesine koma elden kâseyi
Hiç yürek kanından özge âşıka yokdur şarâb
Himmetin dâim bu olsun kim Hakk'ı anlayasın
Hakk'ı bilmekden yeğ olmaz iki 'âlemde sevâb
Ger azâb‐ı âhiretden bulmak istersen halâs
'Arif ol ki cehl odundan kopısar cümle 'azâb
Bu Niyâzî kendinden demez bu sözü ey püser
Hep anı söyler duyarsın gökden inen dört kitâb
https://defter-i-ussak.blogspot.com/2021/07/ister-isen-marifetde-olasin-alicenab.html
No recordings were found for this composition.