Şevkutarab İlâhi, Evsat-ı Hafif
Bir Muazzam Padişahsın Ki Kulundur Cümle Şah
Poet: Selâmi Mustafa Efendi
Composer: Zekai Dede Efendi
If you are a member of the Dil Beyti website (log in), you can add this composition to suite(s) you have created. To sign up for free, click here.
Bir muazzam pâdişâhsın ki kulundur cümle şâh
Kurb-i “ev ednâ”ya vaz' oldu seninçün tahtgâh
Nüh felek heft zemîn ancak sana bir bârgâh
Emrine mahkûmdur âlem her sözün vahy-i ilâh
Es-salâtu ve's-selâm ey hâdî-i râh-ı Hudâ
Küntü 'âsî yâ şefî'al-müznibîn işfa'lenâ
Olalı ruh-sûde pâ-yı pâkine arş-ı berîn
Aşkın ile dembedem cevlân eder ey şâh-ı dîn
Ravzan için çağrışup der her melek ya mü'minîn
Hâzihî cennâtu 'adnin fedhûluhâ hâlidîn
Es-salâtu ve's-selâm ey hâdî-i râh-ı Hudâ
Küntü 'âsî yâ şefî'al-müznibîn işfa'lenâ
Hâk-i Ravza'ndan güneş nûr eyler iken iktibâs
Gerd-i pâyın kühl-i çeşm-i cân ederken mâh-tâb
Yâ aceb mi arşa fahr eylerse Ravza’nda türâb
Câna minnet idi na'leynin de olsa âfitâb
Es-salâtu ve's-selâm ey hâdî-i râh-ı Hudâ
Küntü 'âsî yâ şefî'al-müznibîn işfa'lenâ
Kim ki nûr-i mihr-i zâtın mazhar-ı âgâhıdır
Ahter-i İslâm içinde evc-i dînin mâhıdır
Kim gulâm oldu derinde kâinâtın şâhıdır
Mûrun olmak âsitânında Süleymân câhıdır
Es-salâtu ve's-selâm ey hâdî-i râh-ı Hudâ
Küntü 'âsî yâ şefî'al-müznibîn işfa'lenâ
Hangi hâke bassa pâ-yı devletin ol Tûr olur
Cânib-i Hakk’dan tecelliyyât ile pür-nûr olur
Her nazarda aynına vech-i Hudâ manzûr olur
Bu Selâmî hizmet-i na’tın ile mağfûr olur
Es-salâtu ve's-selâm ey hâdî-i râh-ı Hudâ
Küntü 'âsî yâ şefî'al-müznibîn işfa'lenâ
Defter-i Uşşak - https://defter-i-ussak.blogspot.com/2015/12/bir-muazzam-padisahsn-ki-kulundur-cumle.html