Gice Gündüz İşüm Âh u zâr u Efgân Oldı Gel

Gice gündüz işüm âh u zâr u efgân oldı gel
Bu benüm divâne gönlüm gel ki vîran oldı gel

Ateş-i aşkun derûnum yakdı ber-bad eyledi
Söndüremez bahr-ı umman bitdi kül-hân oldı gel

Kör olan görmez yüzünde vech-i Hakk'ı seyyidüm
Gören ol vechi yüzünde ebi-i îman oldı gel

Rûz u şeb isterdüm ey dost nûr-ı hüsnünden meded
Anı bildüm ki bu derdüm bana derman oldı gel

Vuslatundur bu dil-i mecrûhun ey dost çaresi
Gel ki bu bi-çare âşık yandı bî-câN oldı gel

Varlığı mahv oldı gitdi bu Selîm Dîvane'nün
Gitdi benlük geldi senlük cümle yeksan oldı gel