Gülistân-ı Risaletde Gül-i Handân Muhammed'dir

Gülistân-ı risâletde gül-i handan Muhammed’dir
O bostân-ı hidâyetde gül ü reyhan Muhammed’dir

Güneşler yüzünün nûr-i zıyâsından nümâyişdir
Sudûr-i taht-ı hikmetde olan sultan Muhammed’dir

Künûz-i sırr-ı Sübhânî odur merhamet ummânı
Cemâl-i zü’l-Celâl’ini eden seyran Muhammed’dir

O bir nûr-i mücellâdır o bir nûr-i muallâdır
Harem-i “kābe kavseyn”de olan mihman Muhammed’dir

MUHAMMED LUTFÎ müsterhim kemâl-i merhametinden
Usâtın derdine rûz-i cezâ derman Muhammed’dir

https://hulasatulhakayik.efehazretleri.org.tr/?dcm_view=1&id=64424