Evic Niyaz, Düyek
Geldi izzet ile eyyâm-ı sıyâm
Compositor: Cumhur Enes Ergür
Autor de la letra: Fenâyî Mehmed Efendi
Si es miembro del sitio web de Dil Beyti (iniciar sesión), puede añadir esta composición a las suites que haya creado. Para registrarse gratis, haga clic aquí.
En la página de la letra de esta composición también puede explorar otras composiciones de este nutk.
Geldi izzet ile eyyâm-ı sıyâm
Kılalım hamd ü senâ Mevlâ'ya
Umarız hâsıl ola cümle merâm
Kılalım hamd ü senâ Mevlâ'ya
Bizi irgürdü çü bu eyyâma
Lutfunu eyledi hâss ü 'âmma
Nice tahrîr ide fazlın hâme
Kılalım hamd ü senâ Mevlâ'ya
Şehr-i Şa'bân ü Receb'le Ramazân
Vahdeti sırrın iderler i'lân
Mebde üçdür bu makâmâta hemân
Kılalım hamd ü senâ Mevlâ'ya
Mürg-i kudsiyle olup dem-sâz
Sem'-i câna ire gaybdan âvâz
Vatan-ı asla idegör pervâz
Kılalım hamd ü senâ Mevlâ'ya
Arifân itdi urûc eflâke
Bakmadılar bu hazîz-i hâke
İrdiler Hazret-i nûr-i pâke
Kılalım hamd ü senâ Mevlâ'ya
Ref ola çün ki ayndan perde
Gördü matlûbunu bahr ü berde
Hâzır u nâzır O'dur her yerde
Kılalım hamd ü senâ Mevlâ'ya
Bizi yokdan nice itdin ise vâr
Yine fazlını sen eyle izhâr
Et FENÂYÎ'ye atânı her bâr
Kılalım hamd ü senâ Mevlâ'ya
No se encontraron grabaciones de esta composición.