İlim Bahr u Vücûd Asdâf Anın Dürr-dânesiyim Ben

İlim bahr u vücûd asdâf anın dürdânesiyem ben
Me'ârif kenz‐i dil vassâfının vîrânesiyem ben

Benim 'ilmim katında müctehidler 'âciz oldular
Velî 'ilm‐i ilâhînin deli dîvânesiyem ben

Birer hâle cihânın halkı bir bir râzı oldular
Benim bir hâle meylim yok Hakk'ın bilmem nesiyem ben

Bi‐külli 'âlemin halkı bilirler bende bir derd var
Bilinmez sevdiğim kimdir nenin mestânesiyem ben

Eğerçi sûretâ âhirde geldim 'âlem‐i mülke
Ne mâzîyem ne müstakbel her ânın ânesiyem ben

Yitirdim benliği benlik bana Hakk benliğindendir
Tekellümde hitâb‐ı gaybetin kârhânesiyim ben

Ne Mısrîyem ne Mehdîyem ne Îsâyem ne insânem
Bu yanan dâimâ şem'in velî pervânesiyem ben