Macerayı Aşk-ı Levh-i Dilde Tasvir Eyleriz

Mâcerâ-yı aşkı levh-i dilde tasvîr eyleriz
Berk-ı sûz-ı âh ile çerhi alevgîr eyleriz

Biz gürûh-ı âşıkânız gülsitân-ı dehrde
Bülbüle âdâb-ı ders-i aşkı takrîr eyleriz

Etmeyiz minnet cihânın Hüsrev ü Dârâ’sına
Kârımız vâbeste-i sultânı takdîr eyleriz

Bende-i Âl-i Abâ’yız her seher müjgânımız
Hâk-rûb-ı bârgâh-ı Hazret-i Pîr eyleriz

Sâye-i Mollâ-yı Rûmî’de Münîre fakr ile
Kendimiz mülk-i kanâatde cihângîr eyleriz