Rast Şarkı, Curcuna
Aşık Oldur Kim Kılar Cânın Fedâ Cânânına
Autor pjesme: Fuzûli
Kompozitor: Hacı Arif Bey
Ako ste član web-stranice Dil Beyti (prijava), ovu kompoziciju možete dodati u suitu (suite) koju ste sami kreirali. Za besplatnu registraciju kliknite ovdje.
Idi na stranicu sufijske pjesme ›
Âşık oldur kim kılar cânın fedâ cânânına
Meyl-i cânân itmesin her kim ki kıymaz cânına
Cânını cânâna vermekdir kemâli âşıkın
Vermeyen cân i'tirâf itmek gerek noksânına
Vasl eyyâmı verüp cânâna cân râhat bulan
Yeğdür andan kim salar cânın gam-ı hicrânına
Aşk resmin âşık öğrenmek gerek pervâneden
Kim yanar gördükde şem'in âteş-i sûzânına
Fânî ol aşk içre kim benzer fenâsı âşıkın
Feyz-i câvid ile Hızr'ın çeşme-i hayvânına
Aşk derdinin devâsı kâbil-i dermân değil
Terk-i cân derler bu derdin mu'teber dermânına
Hiç kim cânân içün cân vermeğe lâf itmesin
Kim gelüpdür bu sıfat ancak Fuzûlî şânına