Sabâ İlâhi, Raks Aksağı
Mü'minlerin Bayramıdır Geldi Yine Şehr-i Sıyâm
Poète : Ahmed Remzi Dede
Compositeur : Sabâ Nefese Giydirme
Si vous êtes membre du site Dil Beyti (se connecter), vous pouvez ajouter cette composition à la ou aux suites que vous avez créées. Pour vous inscrire gratuitement, cliquez ici.
Aller à la page du poème soufi ›
Mü’minlerin bayrâmıdır geldi yine şehr-i sıyâm
Belki Hudâ'nın nâmıdır geldi yine şehr-i sıyâm
Bu ümmete lutf u 'atâ affolunur her bir hatâ
Hakk'ın bize in'âmıdır geldi yine şehr-i sıyâm
Rahmetle gufrân andadır her türlü ihsân andadır
"Es-savmu lî" encâmıdır geldi yine şehr-i sıyâm
Tamudan âzâd eylemek cennetle dilşâd eylemek
Bu günlerin ikrâmıdır geldi yine şehr-i sıyâm
Bu aydadır ey mü'min inzâl-i Kur`ân-ı Mübîn
Dîn-i celîl ahkâmıdır geldi yine şehr-i sıyâm
Kadrin bilen buldu şeref bu farkı etme telef
Savm u salavât eyyâmıdır geldi yine şehr-i sıyâm
Kur`ân oku eyle salavât îfâ edilsin hem zekât
Hayr etmenin hengâmıdır geldi yine şehr-i sıyâm
Remzi hakîr sâim ol ağyârı terk et yârı bul
Bayrâmların bayrâmıdır geldi yine şehr-i siyâm