Evic Niyaz, Düyek
Geldi izzet ile eyyâm-ı sıyâm
Kompozitor: Cumhur Enes Ergür
Autor pjesme: Fenâyî Mehmed Efendi
Ako ste član web-stranice Dil Beyti (prijava), ovu kompoziciju možete dodati u suitu (suite) koju ste sami kreirali. Za besplatnu registraciju kliknite ovdje.
Na stranici teksta ove kompozicije možete pogledati i druge kompozicije na iste stihove.
Geldi izzet ile eyyâm-ı sıyâm
Kılalım hamd ü senâ Mevlâ'ya
Umarız hâsıl ola cümle merâm
Kılalım hamd ü senâ Mevlâ'ya
Bizi irgürdü çü bu eyyâma
Lutfunu eyledi hâss ü 'âmma
Nice tahrîr ide fazlın hâme
Kılalım hamd ü senâ Mevlâ'ya
Şehr-i Şa'bân ü Receb'le Ramazân
Vahdeti sırrın iderler i'lân
Mebde üçdür bu makâmâta hemân
Kılalım hamd ü senâ Mevlâ'ya
Mürg-i kudsiyle olup dem-sâz
Sem'-i câna ire gaybdan âvâz
Vatan-ı asla idegör pervâz
Kılalım hamd ü senâ Mevlâ'ya
Arifân itdi urûc eflâke
Bakmadılar bu hazîz-i hâke
İrdiler Hazret-i nûr-i pâke
Kılalım hamd ü senâ Mevlâ'ya
Ref ola çün ki ayndan perde
Gördü matlûbunu bahr ü berde
Hâzır u nâzır O'dur her yerde
Kılalım hamd ü senâ Mevlâ'ya
Bizi yokdan nice itdin ise vâr
Yine fazlını sen eyle izhâr
Et FENÂYÎ'ye atânı her bâr
Kılalım hamd ü senâ Mevlâ'ya
Za ovu kompoziciju nisu pronađeni snimci.