Bezm-i Âlemde Nice Dem Devr İdüp Câm-ı Sıyâm

Bezm-i 'âlemde nice dem devr idüp câm-ı sıyâm
Buldu dest-i Mustafâ'da âhir-i encâm sıyâm

Sıhhat-i zâhirle nûr-i bâtını tekmîl eden
Anınçün eyledi Hakk halka i'lâm-ı sıyâm

'İllet-i nefsine tedbîr et devâ-yı savm ile
Hükm-i takdîr ile çünkü oldu ahkâm-ı sıyâm

'Iyd-i subh-ı vasla âhir irgürür iftâr-ı savm
Tan mıdır 'ıyde tekaddüm eylese şâm-ı sıyâm

Sanma kandîl-i her-minâre şavk ile sergerm olup
Dâğlar ile sînesin zeyn etdi hengâm-ı sıyâm

Kasdı etmekdir hakîkat ni'metinden seni sîr
Lezzet-i kâm-i mecârî terkidir kâr-ı sıyâm

Neş'e-i sırr-ı Samed'le zevk-i ma'nâ feyz eder
Gitmesin dilden Sezâyî bir nefes nâm-ı sıyâm