Eyyubem Mübtelâyım Derde Dermân İsterem
Nutuk sahibi: Yunus Emre Hazretleri (k.s)
Eyyûb'em mübtelâyem derde dermân isterem
'Âşıkam dil-i hasteyem câna cânan isterem
Ya'kûb'leyin ağlaram Yûsuf içün kıldım firâk
Yûsuf'em zindân içinde fazl-ı Rahmân isterem
Mûsâ'nın Tûr'una vardım Dost cemâlin görmeğe
Gitdi 'aklım nâgeh ol dem sırr-ı Sübhân isterem
Bir mekâna gelmişem ki ol benim yurdum değil
Hızr ile zulmete erdim âb-ı hayvân isterem
Defter-i â'malimi yüklendim etdim 'azm-i râh
Menzil-i maksûda Hakk'dan emr ü fermân isterem
Yûnus Emrem bilmedi hiç kimseler hâlin senin
Hâlimi arz etmeğe bir merd-i 'irfân isterem
https://defter-i-ussak.blogspot.com/2021/08/eyyubem-mubtelayem-derde-derman-isterem.html
