Ezelden Aşk Oduna Yâne Geldim
Nutuk sahibi: Yusuf Sünbül Sinan Hz. (k.s.)
Ezelden aşk oduna yâne geldim
Anınçün tâ ebed mestâne geldim
Eğer nûş etmez isen sen bu meyden
Deme zâhid ki ben îmâne geldim
İçe bir cür'a ger râhib bu meyden
Koyub küfrü diye îmâna geldim
Olan meyhâne-i vahdetde mey-nûş
Çağırır küfr ile îmâne geldim
Serây-ı vahdet olmuşken makâmım
Bu kesret âlemin seyrâne geldim
Bu dehr içre görüp itme te'accüb
Çü gizli genc idim vîrâne geldim
Vâr idi ilm-i 'ayne kâbiliyyet
Görüben kendimi irfâne geldim
Çü birdir Sünbülî ma'rûf u ârif
Edüp da'vâ deme irfâne geldim
https://defter-i-ussak.blogspot.com/2017/03/ezelden-ask-oduna-yane-geldim.html
