Gürûh-i Ehl-i Aşkın Cânâ Bilmezem Nesiyem Ben

Gürûh-i ehl-i 'aşkın bilmezem cânâ nesiyem ben
Girelden râh-ı 'aşka âlemin efsânesiyem ben

Döner kûy-i dilârâde bu dil şem-i ruh-i yâre
Meğer pervâne-veş 'aşk âteşine yânesiyem ben

Nigârın hatt u hâli sildi dilden mâsivâ nakşın
Ne Mecnûnam ne Leylâ hüsnünün pervânesiyem ben

Beni bend-i anâsırda görüp gayrı kıyâs etme
Hümâ-yi lâ-mekânın bunda bir kâşânesiyem ben

Vücûdum mecmau'l-eşyâ derûnum sırr-ı lâ-yuhsâ
İken bu harmen-i kübrâ anın bir dânesiyem ben

Me'ânî dürriyem cismim sadef deryâ-yı 'aşk içre
Aceb gavvâs-ı 'aşkın bahr-i bî-pâyânesiyem ben

Ne Aydîyem ne savmîyem ne cem'îyyem ne farkîyyem
Bugün bir bâde-keş hem teşne-dil meyhânesiyem ben

https://defter-i-ussak.blogspot.com/2020/07/guruh-i-ehl-i-askin-bilmezem-cana-nesiyem-ben.html