Safha-i Kalbimde Menkûş Oldu Çün Esrâr-ı Hakk
Nutuk sahibi: Sultan III. Murad (Murâd-ı Sâlis/Murâdî)
Safha-i kalbimde menkûş oldu çün esrâr-ı Hak
Kande kim kılsam nazar zâhir durur envâr-ı Hak
Zâhir ü bâtındadır çün sırr-ı vahdet lem'ası
Eyledi gavvâs-ı vahdet bahrine dîdâr-ı Hak
Çün hakîkat milkine basdı kadem tayr-ı vücûd
Bu vücûdumda vücûdum buldu pes âsâr-ı Hak
Cümleden vaz oldu dil buldu özünde cümleyi
Cümle ile olmağa kıldı beni ihzâr-ı Hak
Ey Murâdî sen murâd olsan ne var âlemlere
Hakk ile alanın oldu Hak dedi muhtâr-ı Hak
(İsen, Mustafa, A. F. Bilkan, T. I. Durmuş (2012). Sultanların Şiirleri, Şiirlerin Sultanları. İstanbul: Kapı Yay. 140).
