Kaside, Ey Habîb-i Kibriyâ Ey Şâh-ı Cümle Enbiyâ

Ey Habîb-i Kibriyâ ey şâh-ı cümle enbiyâ
Kimdi senden özge bir serdâr bir sâhib-livâ

Ey hidâyet şemsi ey nûrânîler ser-halkası
Kimdi senden özge hûrşîd kimdi mâh-ı reh-nümâ

Kimdi senden özge şehbâzım dîn-i 'âlemde kim
Senden özge bir tezerv-i nâzenîn ey dil-rübâ

Kimdi senden gayrı kâmil kimdi bir sâhib-cemâl
Kimdi senden özge fâtih kimdi bir müşkil-güşâ

Senden özge belde-i îcâdı bir fâtih mi var
Senden özge bir sebeb 'âlemde yokdur intihâ

Senden ey meh mâ'adâ hûbum deyü lâf itmesin
Sende hatm olmuş güzellik sende hatm olmuş bahâ

Ey şefî'u'l-müznibîn ey rahmeten li'l-'âlemîn
Şefkatin subh u mesâ ister Nigârî bî-nevâ