Arz-ı Hâl İçin Sultâna Geldim
Nutuk sahibi: Ahmed Kuddûsi
Arz-ı hâl için sultâna geldim
Sailim lutf u ihsâna geldim
Yağmaladı aşk zühdümü takvâmı
İlm ü amelden bigâne geldim
Derd-i firâka derman arardım
Ben ol tabibe dermâna geldim
Can kulağı ile hüsnünü duyup
Şem'-i cemâle pervâne geldim
Aşkına oldum onun giriftâr
Kalmadı aklım divâne geldim
Âmâde olmuş çün hamr-ı sâfi
Nûş eyleyüben mestâne geldim
Hükmünü icrâ etti aşk bende
Yanmağa nâr-i süzâna geldim
Mahv ü fenâda buldum safáyı
Yoklukla râh-ı merdâna geldim
Bildim ki varlık perdedir Hakk'a
Ref' edip onu cânâna geldim
Eyledi tévhîd hoş beni irşâd
Bir katre iken ummâna geldim
Der ki KUDDÜSİ elhamdülillah
Kaçım sivâdan Yezdân'a geldim
