Çün Muharrem Oldı Ey Dil Aşıkan Ağlar Bugün

Çün Muharrem oldı ey dil aşıkan ağlar bugün
Cümle mevcudat-ı alem ins ü can ağlar bugün

Kerbela'nın vak'a-i dil-sûzını der-piş idüp
Ah ider ehl-i zemin asuman ağlar bugün

Mustafa Haydar Hasan Zehra tevella zümresi
O şehid-i Kerbela'ya bi-güman ağlar bugün

Eşk-i çeşm-i aşıkan tûfan-ı Nûh eyler ayân
Ger muhabbet var ise insan olan ağlar bugün

Vehbiyâ sabr eylemek mümkin değil ağla heman
Çünkü ervah ile zerrat-ı cihan ağlar bugün