Ey Gönül Gel Gayrıdan Geç Aşka Eyle İktidâ
Nutuk sahibi: Hz. Pir Niyazî-i Mısrî (k.s)
Ey gönül gel gayrıdan geç 'aşka eyle iktidâ
Zümre-i ehl-i hakîkat anı kılmış muktedâ
Cümle mevcûdât u ma'lûmâta 'aşk akdem dürür
Zîrâ 'aşkın evveline bulmadılar ibtidâ
Hem dahi cümle fenâ buldukda 'aşk bâkî kalır
Bu sebebden dediler kim 'aşka yokdur intihâ
Dilerim senden Hudâyâ eyle tevfîkin refîk
Bir nefes gönlüm senin 'aşkından etmegil cüdâ
Mâsivâ-yı 'aşkının sevdâsını gönlümden al
'Aşkını eyle iki âlemde bana âşinâ
'Aşk ile tamuda olmak cennetidir 'âşıkın
Lîk cennetde olursa tamudur 'aşkın ana
Ey Niyâzî mürşid istersen bu yolda 'aşka uy
Enbiyâ vü evliyâya 'aşk olupdur rehnümâ
https://defter-i-ussak.blogspot.com/2016/01/ey-gonul-gel-gayridan-gec-aska-eyle-iktida.html
