Pâdişâhâ Aşkını Hem-Hâne Kıl
Nutuk sahibi: Hz. Pir Niyazî-i Mısrî (k.s)
Pâdişâhâ 'aşkını hem-hâne kıl
Mâsivâ-yı 'aşkına bî-gâne kıl
Zikr ü fikrinle beni pür-nûr edüp
Mest ü medhûş eyleyüp dîvâne kıl
Benliğimdir senden ayıran beni
Varlığım şehrini yık vîrâne kıl
Mürg-ı rûhun meylini kes gayrıdan
Şol cemâlin şem'ine pervâne kıl
Gönlümü mir'ât-ı vech-i zât edüp
Ol tecellîyle beni mestâne kıl
Cezbe-i feyzin şarâbın doldurup
Bu Niyâzî bendeni meyhâne kıl
https://defter-i-ussak.blogspot.com/2023/05/padisaha-askini-hem-hane-kil.html
