Rûz-i Mahşerde Bizi Yâd Eyle Allah Aşkına

Rûz-i mahşerde bizi yâd eyle Allah aşkına
Afv-ı ısyânımla dilşâd eyle Allah aşkına
Âteş-i dûzahdan âzâd eyle Allah aşkına
Yâ Muhammed bana imdâd eyle Allah aşkına

Senden olmazsa inâyet ger işim fersûdedir
Bilirem her kime itsem ilticâ bîhûdedir
Dâmenim çirkâb-ı masiyyet ile âlûdedir
Yâ Muhammed bana imdâd eyle Allah aşkına

Geldiğim günden beri bu dehre ısyân eylerem
Yok sevâbım zerrece cürm-i firâvân eylerem
Dest-gîr olmazsan ol gün böyle efgân eylerem
Yâ Muhammed bana imdâd eyle Allah aşkına

İrdi Sermed kulunun gayrı günâhı gâyete
El-amân düşdüm efendim âsitân-ı şefkate
Vardığım ân rû-siyâhımla ben huzûr-ı izzete
Yâ Muhammed bana imdâd eyle Allah aşkına

https://defter-i-ussak.blogspot.com/2017/03/ruz-i-mahserde-bizi-yad-eyle-allah-askna.html