Şol Dem Gördüm Dîdârını Divâneyim Divâneyim
Nutuk sahibi: "Akbıyık Sultan" Ahmed Şemseddin Efendi (Şems-i Hüdâ)
Şol dem görem dîdârını dîvâneyem dîvâneyem
Döndüm cemâlin şem'ine pervâneyem pervâneyem
Ben yâr ile yâr olmuşam sanma ki ağyâr olmuşam
Ben âşinâdan gayrıya bîgâneyem bîgâneyem
Ben 'aşk meyinde sâkîyem ol ma'şûkun müştâkıyem
Gel içirem 'aşkdan kadeh humhâneyem humhâneyem
Gavvâs-ı bahr-i vahdetem buldum hakîkat gevherin
Deryâya saldım katremi dürdâneyem dürdâneyem
Bildim seni buldum anı verdim bunu aldım anı
Terk eyledim cüsm ü cânı cânânneyem cânâneyem
Terk eyledim ben şeş cihet oldum anınla hem-cihet
Yâr gencini pinhân için vîrâneyem vîrâneyem
Gel ey Hudâ-yı Şems-i Dîn buldum Hakk'ı oldum yakîn
Söyleme sırr eyleme fâş sırhâneyem sırhâneyem
https://defter-i-ussak.blogspot.com/2018/08/sol-dem-gorem-didarini-divaneyem-divaneyem.html
