30 Zilhicce 1431

6 Aralık 2010 Meşki

Üyelere Özel: "Favori Meşklerim Listesi"

Dil Beyti Websitesi'ne üyeliğiniz varsa bu meşki favorileriniz listenize ekleyebilirsizin. Giriş yapın veya şimdi üye olun.

		Makamı	Usûlü	Bestekârı	Nutuk sahibi
1.	Sabâ Keman Taksimi, ?		Sabâ	-	-	-
2.	Sabâ - Sofyan Ehl-i Velâ Ezelden Kail Olup Belâya	Sabâ	Sofyan	Derviş Kanuni Cüneyd Kosal	Ömer Ruşeni Hz.
3.	Hicâz Ud Taksimi, Udi Metin Özden		Hicâz	-	-	-
4.	Hicâz - Düyek Daver-i Aşri Muharrem'dir Hüseyn-i Kerbelâ	Hicâz	Düyek	Rıf'at Bey	Kâzım Paşa
5.	Hicâz - Sofyan Geçeriz Dünyada Can-ü Cânandan	Hicâz	Sofyan	Neyzen Mustafa Hakan Alvan	Aşki Süleyman Muzaffer Efendi Hz.
6.	Rast Kanun Taksimi, ?		Rast	-	-	-
7.	Rast - Sofyan Şah Hüseyn'in Firkatiyle Ağlayan Gelsün Berü	Rast	Sofyan	Şabani K.s.	Şeyh Ömer Fuâd Efendi
8.	Rast - Düyek Li Hamseti Utfi Bi Harrel Veba	Rast	Düyek	Hacı Hafız Zeki Altun	?
9.	Uşşak Çello Taksimi, ?		Uşşak	-	-	-
10.	Uşşak - Düyek Âbidan-ı Mustafa'yız Biz Hüseyni'lerdeniz	Uşşak	Düyek	Hüseyin Sebilci	Hilmi Dede (bektaşi)
11.	Uşşak - Sofyan Elestübi Rabbiküm Hitab Olunduk	Uşşak	Sofyan	Hafız Nezih Tolan	Hafız Nezih Tolan
12.	Neveser Ud Taksimi, ?		Neveser	-	-	-
13.	Neveser - Yürüksemai Alem Yüzüne Saldı Ziyâ Al-i Muhammed	Neveser	Yürüksemai	Hüseyin Baba	Seyyid Nesimi (k.s.)
14.	Sûzinâk - Devr-i Hindî Ehl-i Aşka Bir Belâ Zindandır Bu Mâsivâ	Sûzinâk	Devr-i Hindî	?	?
15.	Sûzinâk - Sofyan Ali Almış Sancağını Eline	Sûzinâk	Sofyan	Derviş Kanuni Cüneyd Kosal	Yunus Emre Hazretleri (k.s)
16.	Segâh Kanun Taksimi, ?		Segâh	-	-	-
17.	Segâh - Düyek Vakayî Şâh-ı Şehid-i Kerbelâ'yı Gûş Edip Ah Edip Yandı Gönül	Segâh	Düyek	Mustafa Düzgünman	Şeyh Hayrullah Tâceddin Efendi
18.	Hüzzam - Yürüksemai Zâlimler El Vurup Hep Şemşiri Can Rübâya	Hüzzam	Yürüksemai	Hüseyin Sebilci	Kâzım Paşa
19.	Hüzzam - Düyek Kurretü'l Ayni Habib-i Kibriyâ'sın Yâ Hüseyn	Hüzzam	Düyek	Hacı Arif Bey	Kâhyazâde Arif Efendi
20.	Hüzzam - Düyek Gözüm Ki Kane Boyandı	Hüzzam	Düyek	?	Saffet
21.	Hüzzam - Sofyan Vardım Kırklar Yaylasına	Hüzzam	Sofyan	Aslan Hepgür	Hatayî (şah İsmail)

Nutku irad eden:
Ömer Ruşeni Hz.

Ehl-i velâ ezelden kâil olup belâya
Kesbetdi i'tilâyı sabreyleyip cefâya
Oldu bu yol güzergâh "Evlâd-ı Mustafâ"ya
Girdi Hüseyn-i mazlûm vâdî-i ibtilâya
Evlâd u âli bir bir gitdi râh-i bekâya
Kaldı yegâne hayfâ meydanda en-nihâye
Cism-i şerîfi düşdü sahrâ-yı Kerbelâ'ya
Rûh-i latîfi uçdu tâ arş-ı Kibriyâ'ya

Cân verdiler pey-â-pey ihvân u yâr u yâver
Yâ Rab nasıl bu hâle insan tahammiil eyler
Kıldı kader o câyı Âl-i Nebî'ye mahşer
Pîşinde pâre pâre oldu Aliyy-i Ekber
Destinde çâk edildi hulk-i Aliyy-i Asgar
Cism-i şerîfi düşdü sahrâ-yı Kerbelâ'ya
Rûh-i latîfi uçdu tâ arş-ı Kibriyâ'ya

Gûşunda ceyyidâtın efgân-i ıztırârı
La'linde kaht-ı âbın âlâm-ı ıstırâbı
Çeşminde asfiyânın ecsâd-ı dil-figârı
Cisminde eşkiyânın peykân-ı hûn-nisârı
Kalbinde iştiyâk-ı ceddiyle şevk-i Bârî
Bî-ta'b edip nihâyet ol şâh-ı yek-süvârı
Cism-i şerîfi düşdü sahrâ-yı Kerbelâ'ya
Rûh-i latîfi uçdu tâ arş-ı Kibriyâ'ya

Âmâc edince cismin her tîr-i eşkiyânın
Titrerdi rûh-i pâki Sultân-ı Enbiyâ'nın
Aldıkça bir cerîha ferzendi Mustafâ'nın
Kanlar dökerdi çeşmi Zehrâ vü Murtazâ'nın
Buldukda intihâyı enva'ı ibtilânın
Candan edip icâbet fermânına Hudâ'nın
Cism-i şerîfi düşdü sahrâ-yı Kerbelâ'ya
Rûh-i latîfi uçdu tâ arş-ı Kibriyâ'ya

Mecrûh edip vücûdun yetmiş iki yerinden
Revzenler açdı dosta seyr ede gadr-i düşmen
İnletti kâinâtı feryâd u âh u şîven
Tâhir bu vak'a oldu dünyâya dehşet-efgen
Evsâf-ı cedd-i pâki minberde söylenirken
Etdi cihânı sırr-ı zehen-i azîmi rûşen
Cism-i şerîfi düşdü sahrâ-yı Kerbelâ'ya
Rûh-i latîfi uçdu tâ arş-ı Kibriyâ'ya

Defter-i Uşşak - https://defter-i-ussak.blogspot.com/2015/10/ehl-i-vela-ezelden-kail-olup-belaya.html

Nutku irad eden:
Kâzım Paşa

Zâlimler el urup hep şemşîr-i can-rübâya
Kasd etdiler serâpâ "Evlâd-ı Mustafâ"ya
Devrân olup müsâid ol kavm-i bî-hayâya
Îsâl olundu bîdâd serhadd-i intihâya
Kimler eder tehammül yâ Rab bu ibtilâya
Âmâc edüb vücûdun bin nâvek-i kazâya
Düşdü Hüseyn atından sahrâ-yı Kerbelâ'ya
Cibrîl var haber ver "Sultân-ı Enbiyâ"ya

Cûş eyleyüb belâya mânend-i mevc-i tûfân
Keştî-i "Ehl-i Beyt"i kıldı şikest ü vîrân
Maktûl olup serâser ashâb-ı âl-i zîşân
Yektâ-rev oldu ol mâh çün âfitâb-ı rahşân
Her yandan etdi savlet hınzîr-veş yezîdân
Sertâbepâ vücûdun zahm eyleyüb kızıl kân
Düşdü Hüseyn atından sahrâ-yı Kerbelâ'ya
Cibrîl var haber ver "Sultân-ı Enbiyâ"ya

Ashâb u âlinin hep kibârı vü sıgârı
Bir bir kılub önünde azm-i huzûr-i Bârî
Dil-teng edüb susuzluk tâ arşa oldu sârî
Etfâl-i seyyidâtın feryâd-ı bî-karârı
Her yüzden etdi tazyîk a'dâ o şehriyârı
Âhir çıkub elinden dâmân-ı ihtiyârı
Düşdü Hüseyn atından sahrâ-yı Kerbelâ'ya
Cibrîl var haber ver "Sultân-ı Enbiyâ"ya

Yârân olub serâpâ mest-i mey-i şehâdet
Meydânda kaldı tenhâ ol mihr-i evc-i hâcet
Bu hâl olub adûya sermâye-i cesâret
Etrâfın aldı birden ol kavm-i pür-dalâlet
Yetmiş iki yerinden mecrûh olub nihâyet
Bundan ziyâde harbe Hakk vermeyüb icâzet
Düşdü Hüseyn atından sahrâ-yı Kerbelâ'ya
Cibrîl var haber ver "Sultân-ı Enbiyâ"ya

Ol şâh-ı dîn-penâhı tenhâ görünce düşmân
Etdi hücûm u savlet şiddetle her tarafdan
Bir hâle vardı âhir zahm-ı hadeng-i âhen
Mânend-i kasr-ı cennet cisminde oldu rûşen
Envâ'-ı yârelerden her cânibinde revzen
Kâzım olub nihâyet bî-tâb harb ederken
Düşdü Hüseyn atından sahrâ-yı Kerbelâ'ya
Cibrîl var haber ver "Sultân-ı Enbiyâ"ya

Defter-i Uşşak - https://defter-i-ussak.blogspot.com/2015/10/koniceli-kazm-pasann-bir-mersiyesi.html